𝙻𝚎𝚊𝚛𝚗, 𝚄𝚗𝚕𝚎𝚊𝚛𝚗, 𝚁𝚎𝚕𝚎𝚊𝚛𝚗

എന്താണ് വിദ്യാഭ്യാസം? എങ്ങനെയാവണം വിദ്യാഭ്യാസം?
അധ്യാപനവും അധ്യായനവും ചേരുന്നതാണ് വിദ്യാഭ്യാസം. ഒരു തലമുറയിൽ നിന്ന് അടുത്ത തലമുറയിലേക്ക് സംസ്കാരം പകർന്നു നൽകപ്പെടുന്നത് വിദ്യാഭ്യാസത്തിലൂടെയാണ്. ഇത്രയേറെ പ്രാധാന്യമർഹിക്കുന്ന ഒരു ഘടകമായ വിദ്യാഭ്യാസം ഇന്ന് പലപ്പോഴും കച്ചവടം ആയി മാറാറുണ്ട്.
പഴയകാല വിദ്യാഭ്യാസമായിരുന്നു ശരിക്കും നീതി നിഷ്ടമായത്. പഴയ കാലമെന്ന് വെച്ചാൽ ഒരുപാട് പഴയതല്ല, ഒരു പത്തോ പതിനഞ്ചോ വർഷങ്ങൾക്കു മുമ്പ്….. എന്താണ് വിദ്യാഭ്യാസം എന്നും’ എങ്ങനെയാവണമെന്നും’ നമ്മെ പഠിപ്പിക്കുകയും ബോധിപ്പിക്കുകയും ചെയ്ത ഒരു കാലഘട്ടം.
മഹാത്മാഗാന്ധി മുതൽ ജവഹർലാൽ നെഹ്റു വരെ വിദ്യാഭ്യാസ പ്രാധാന്യത്തിൽ അധിഷ്ഠിതമായി പ്രവർത്തിച്ചവരുടെ ദൂരം വളരെയധികം ഒന്നുമല്ല. അങ്ങ് അമേരിക്കയിലെ വിദ്യാഭ്യാസ രീതി ഇങ്ങ് ഈ കൊച്ചു കേരളത്തിൽ ചർച്ച ചെയ്യപ്പെടുമെങ്കിലും ഒരു സന്ധ്യ വാർത്തയായും പത്ര പേപ്പറിൽ അവസാന കോളത്തിലെ ഒരു വാർത്തയായും പലപ്പോഴും മാറാറുണ്ട്.ഗുരുകൂല സമ്പ്രദായം ആയിരുന്നു ഭാരതത്തിലെ പ്രാചീന വിദ്യാഭ്യാസ രീതി. ഇന്നത്തെ വിദ്യാഭ്യാസ രീതിയെ അവലംബിച്ചു നോക്കുമ്പോൾ ഇതിന് ചില മേന്മകൾ ഉണ്ടായിരുന്നുവെന്ന് സമ്മതിക്കാതെ വയ്യ. ഗുരുവിന്റെ വീട്ടിൽ ചെന്ന് വിദ്യ അഭ്യസിച്ച കാലം മുതൽ ഇന്ന് ഇവിടെ മൊബൈൽ ഫോൺ ഉപയോഗിച്ച് പഠിക്കുന്ന കാലം വരെയുള്ള ദൂരം വളരെ വലുതൊന്നുമല്ല.പ്രപഞ്ചവും മനുഷ്യനും രണ്ടല്ലായിരുന്നു എന്ന തത്വത്തിൽ അധിഷ്ഠിതമായിരുന്നു ഗുരുകുല വിദ്യാഭ്യാസം. പ്രകൃതിയും മനുഷ്യനും തമ്മിൽ എങ്ങനെ ഇണങ്ങി ജീവിക്കാം എന്നും മനസ്സിന്റെ സംസ്കരണം എങ്ങനെ സാധിക്കാം എന്നും ഈ വിദ്യാഭ്യാസം ശിഷ്യന്മാരെ പഠിപ്പിച്ചു. ഈ വിദ്യാഭ്യാസ രീതിയാണ് ഭാരതത്തെ സഹിഷ്ണുത മനോഭാവം ഉള്ളവരും അന്യസംസ്കാരങ്ങളെ സ്വീകരിക്കാൻ മനപ്പാകമുള്ളതുമാക്കി തീർത്തത്. ഒന്നിനോടും ആസക്തിയില്ലാത്ത പ്രപഞ്ചസത്യഅന്വേഷികളും നിസ്വാർത്ഥമതികളുമാക്കി തീർത്തത്.
പരസ്പര ധാരണയുടെയും സമാധാനത്തിന്റെയും മന്ത്രങ്ങൾ ഇവിടെ നിന്നും വിദ്യാർത്ഥികൾ പഠിച്ചു. പ്രാചീന ഭാരതത്തിലെ വിദ്യാഭ്യാസത്തിന്റെ മേന്മ ഇതായിരുന്നു.വിദ്യാഭ്യാസം കേവലം പണത്തിനു വേണ്ടി കച്ചവടംമാക്കി മാറ്റുന്ന ഒരു കാലത്തിലാണ് നാമിന്ന് നിലനിൽക്കുന്നത്. പുസ്തകങ്ങൾ കയ്യിലേറി ക്ലാസ്സ് റൂമുകളിൽ പോകുന്ന കാലം മാറി, മൊബൈൽ ഫോണുകളുമായി ക്ലാസ്സിൽ എത്തുന്ന കാലം വരെയായി. ഇവിടെയാണ് വിദ്യാഭ്യാസത്തിന്റെ പ്രാധാന്യം ചോദ്യം ചെയ്യപ്പെടുന്നത്. വിദ്യാഭ്യാസം എല്ലാവർക്കും അനിവാര്യമാണ്. ആളുകൾ ഉപരിപഠനത്തിന് പോകാൻ തീരുമാനിക്കുന്നത് അവരുടെ ജീവിതത്തെയും ചുറ്റുമുള്ള ലോകത്തെയും മാറ്റാൻ ആഗ്രഹിക്കുന്നതിനാലാണ്. വിദ്യാഭ്യാസം അത്യന്താപേക്ഷിതമാണ് കാരണം അത് വളരാനും മികവ് പുലർത്താനും നമ്മുടെ പൂർണ്ണത ശേഷിയിലെത്താനും സഹായിക്കുന്നു.സമൂഹവും ചിന്താഗതിയും ഒരുപാട് മാറേണ്ടിയിരിക്കുന്നു. കച്ചവടം എന്ന മനോഭാവത്തിൽ നിന്നും കടമ എന്ന മനോഭാവത്തിൽ എത്തുമ്പോൾ വിദ്യാഭ്യാസം സുഗമമാകും.നമുക്ക് പ്രതീക്ഷിക്കാം, കാത്തിരിക്കാം,നല്ലൊരു നാളെക്കായി സുഗമമായി എല്ലാവർക്കും വിദ്യാഭ്യാസം ലഭിക്കുന്ന ഒരു കാലത്തിനായി. “Education is the most powerful weapon which you can use to change the world __”